Селин Дион

Роди близнаци

Канадската пејачка Селин Дион (42), која неодамна беше во болница поради компликации во бременоста, роди близнаци. Дион во саботата наутро била однесена во болницата „Сент Мери“ во Вест Палм Бич, Флорида, каде што со царски рез родила две машки бебиња.

„Селин, нејзиниот сопруг Рене и нивниот син Рене-Шарл се на седмо небо“, изјави портпаролот на познатата пејачка.

Близнаците се здрави, но, бидејќи се родени предвреме, неколку дена ќе бидат во инкубатор. Тие се родени со една минута разлика.

Пејачката беше хоспитализирана минатиот викенд кога предвреме доби болки, а нејзиниот гласноговорник изјави дека станува збор за мерки на претпазливост и оти сакаат последните денови од бременоста Дион да биде под постојан лекарски надзор.

Канадската пејачка и нејзиниот сопруг долго време се обидуваа да добијат дете по пат на вештачко оплодување, а кога дознала дека носи близнаци Дион, наводно, полудела од среќа. Таа и сопругот Рене го имаат и деветгодишниот син Рене Чарлс, кој, исто така, е зачнат со вештачко оплодување.