Што прават денеска

Сенко Велинов

актер

Во очекување на емитувањето на серијата „Од денес за утре“, од недела 3 октомври, чија промоција пред новинарите ја направивме вчера, незапирливо работам во театар. Денеска претпладне во МНТ имаме проба на новиот текст на Сашко Насев, „Така било пишано“. Попладне, пак, работам на независниот проект „Нирвана“.

Гоце Арнаудов

пејач

Вечерва имам настап за друштвото „Лоза“, па за таа пригода патувам од Струмица за Скопје. Кога сум веќе во Скопје, денот ќе го искористам да одам во студиото на Дамир Имери за да ја направиме песната со која ќе настапам на фестивалот „Роса“. Веројатно, и ќе останам до петок во Скопје заради некои други студиски снимања.

Фани Христова

диџејка и пејачка

Денеска се подготвувам за утрешниот настап во Охрид, на големиот концерт на градскиот плоштад, со кој ќе се одбележи завршувањето на туристичката сезона. Контактирам со другите колеги, кои, исто така, ќе настапат таму. Се' што останува од денот, му посветувам на моето омилено хоби - сликањето.