Мартин Филиповски

член на гр. „Некст тајм“

Вечерва, во „Холидеј ин“, од 20,30 ч. ќе се случи промоцијата на нашиот прв албум со 13 песни, па со брат ми Стефан се трудиме да ја стивнеме возбудата и да се подготвиме за настапот пред гостите на промоцијата. Планираме да изведеме шест песни во живо и ги очекуваме првите реакции.

Жанко Голабовски

шоумен

Во овој вторник планирам да се разбудам среќен и весел и уште веднаш се откажувам од утринската гимнастика. Тамам се здебелив! Не го прескокнувам кафето пред да кинисам на работа во Супер радио да се обратам во охридско— струшко-преспанско-кичевскиот етер. Попладне, тура пешачење до Велестово и асистенција во подготовките на ќерките за новогодишните претстави.

Марјан Аврамовски

спортски работник

Од денеска започнувам со моите подготовки за големиот традиционален божикен турнир во мал фудбал, што ќе се одржи во новата сала во Драчево. Како претседател на организациониот одбор, се обидувам преку спонзори да обезбедам вредни награди. Очекувам годинава да учествуваат рекорден број екипи.