Што прават денеска

Зорица Панчиќ

актерка

Уште рано почнуваме со снимање на Македонски народни приказни за МТВ, во Куршумли-ан. Потоа ме очекува натсинхронизација на цртани филмови, па брзам за Велес за вечер во театарот да играм во „Баханалии“. И сосема за крај на денот - прошетка на кучето.

Жанко Голабоски

шоумен

Најважно е да се разбудам, па потоа - лесно е. Прво си ги завршувам домаќинските обврски со пазарување, па од 10 до 14 часот на Супер Радио ја водам програмата „Охрид не бери гајле“. Потоа со велосипед ја возам турата од Охрид до Градиште, за во 17 часот да им се придружам на учесниците на „Велофест“. Вечер, пак, на емисија в радио од 20 до 21 часот.

Татајана Лазаревска

пејачка

Песната за „Прилеп фест“, што ќе се одржи на 29 и 30 април, веќе ми е снимена и денеска треба да го комплетирам стајлингот. Значи одам да си го земам фустанот, па во потрага по соодветни чевли. Верувам дека сите жени знаат дека тоа е „напорна“ работа.