Што прават денеска

Ребека

пејачка

Контролираниот хаос на денешниот ден ми започнува рано наутро. Веќе во 9 ч. тргнувам за Битола, каде што во 13 ч. имам прес-конференција по повод мојот вечерашен концерт во Хераклеја, за затворање на „Битфест“. Во 17 ч. е пробата, а во 21 ч. почнува концертот. Потоа, неизбежно дружење на Широк сокак.

Борче Брзанов

дир. на „Лешочки фолк-фест“

На ден на одржување на фестивалот, што го организираме речиси половина година, нормално е да бидам во трчаница. Во 14 ч. веќе сум во манастирскиот комплекс во Лешок и ја подготвуваме сцената. Во 20,30 ч. започнува „Лешочкиот фолк-фест“, каде што ќе бидат изведени 21 нова песна.

Стефан Хаџи Николов

сликар

Работното темпо на сликање го одржувам и по враќањето од ликовната колонија на Јахорина, во Босна и Херцеговина, кое беше мошне инспиративно и корисно. Летниве горештини дури и ми годат за работа, со оглед дека криејќи се нив, најголем дел од денот го минувам во ателјето.