Концерт на „Езерки“ и „7/8“ вечерва во Скопје
Вокалниот етносостав „Езерки“ и оркестарот „7/8“, вечерва, со почеток во 19,30 часот, ќе настапат пред скопската публика во летниот клуб „Хард-рок“. По успешната турнеја низ бившите ЈУ-простори, „Езерки“ и „7/8“ повторно доаѓаат во Македонија, а покрај концертот во Скопје, утревечер (6 јуни) ќе настапат и во Народниот театар во Битола.
Двата состава работат под закрила на Хрватско- македонското друштво во Хрватска, а од 1995 година, преку своите карактеристични изведби и трите издадени албуми („Livingroom“, „Бакнеж“ (специјален гостин на албумот беше Тоше Проески) и „Спектакл“) ја претставуваат Македонија низ целиот свет. Нивните изведби претставуваат сплет на уникатни македонски ора и песни изведени на традиционален начин, но во модерен аранжман. |
