Верица Пандиловска

пејачка

Тежок е невестинскиот ден, ха, ха. Станувам многу рано наутро, одам на фризер да ме подготват, па дома кај мајка ми и чекам да дојдат сватовите... Венчавката е во Лешочкиот манастир, а потоа според свадбениот протокол доаѓа веселбата, па потоа почнува делот од животот, што би сакала да биде како цитатот од бајките „засекогаш среќно си живееја“.

Јован Петровски

моден креатор

Денеска е ден за промоција на мојата нова машка и женска колекција во „Лудус концепт стор“ во Скопје. Ревијата започнува во 18,30 часот, па продолжува со промоција и забава... А претходно имам завршен кастинг на манекенките, проба на кореографијата и мал милион детали за решавање, како пред секоја ревија.

Наташа Гинџевска

ТВ-водителка

Денот ми почнува во 9 часот, а ми завршува... не се знае кога! Во текот на претпладнето имам закажано некои снимања и анкети, но се надевам дека во попладневните часови ќе можам да си дозволам некое релаксирачко кафе - дружење. Бидејќи концертот на „Кошин“ е откажан, а планирав да одам, за вечерва ќе смислам некоја друга забава.