Гоце Арнаудов

пејач

Бидејќи викендите ми се исполнети со настапи, преку неделата се трудам да завршам некои организациони работи. Но, еве, стигна четврток, а јас ништо немам фатено, па денеска треба да забрзам. Праќам фотографии и ЦД-еа во Австралија, каде што ќе гостувам од 6 септември, се договарам со музичарите што ме придружуваат и ако имам време ќе одам или до Дојран или до Суви Лаки на Огражден.

Ирена Спировска

ТВ-водителка

Утринава, прво имам гостување во Сити радио, па потоа се зафаќам со подготовката на претпоследната емисија од сезонава на „Дом и дизајн“. Гледам колку што е можно побрзо да ја завршам работата, па ќе се обидам барем на неколку часа да побегнам од Скопје, на викендичката во Лешок.

Елвир Мекиќ

пејач

Во Охрид сум, полу работно - полу одморски. Денешниов ден ми е од тој одморскиот дел, па си се забавувам на базенот на хотел „Милениум“. Во текот на денот одам да го посетам и Јован Јованов, кој од летово е и режисер на една емисија, па да му дадам морална поддршка.