Претходен број

АРМ во новата година со нови униформи

„Новите униформи претставуваат спој на традицијата, на историјата, но и на претставата за модерна и професионална армија. Исполнети се стандардите што гарантираат дополнителна безбедност и ефикасност во исполнувањето на борбените задачи“, истакна вчера министерот за одбрана, Зоран Коњановски, на промоцијата на новите униформи на АРМ. Тој додаде дека со ова целосно се задоволени поставените оперативно-тактички барања и НАТО-стандарди, а првпат се воведува и женска униформа. Новите униформи вклучуваат борбени, службени и свечени униформи, главно во сина и петролеј-боја, а се изработени согласно со дефинирани квалитативни карактеристики и шара за борбена униформа. Во борбената облека се изработени основен, универзален и пустински стил и имаат намена за заштита и од агресивни хемиски и атмосферски влијанија. Министерот Коњановски не сакаше да одговори за цената на чинење на униформите, ниту кој ќе ги изработува. Тој посочи дека во наредните месеци одредена количина од пробните униформи ќе бидат испратени во единицата за да се добијат сознанија за квалитетот и откако ќе се утврдат кои се аномалиите, тогаш и дефинитивно ќе се објави и тендерот, по што ќе се определи и цената на униформите. (Св.У.)