Мартин Вучиќ

музичар

На ден на концертот евентуалната трема ја разбивам со последни подготовки, технички проби и финализација на сите детали. Попладне, одмор и концентрација, па од 20 часот очекувам добро концертно доживување и за публиката и за мене во Универзална сала.

Катерина Спасовска

асистентка на ФФК

Денеска сакам да се одморам по напорните денови минати во подготовка на одбраната на мојот магистерски труд по гимнастика, кој го бранев пред специјална комисија на Факултетот за физичка култура. Со обраната на трудот станав прв жена - магистер по гимнастика во Македонија, што ме прави особено среќна и задоволна.

Зоран Џорлев

дир. на СМУ „Илија Николовски-Луј“

Многу убав ден е пред мене, во кој сепак прво ги завршувам редовните семејни и работни обврски. Од 12 ч. пред новинарите во ресторанот „Воденица“ ќе го претставам моето долгоочекувано цеде „Не кажувај, либе“. Разбирливо, радоста кај мене е нескриена.