Што прават денеска

Ранко Рангелов

хуморист

Од понеделник почнуваме со снимање на новата сезона на „Браво шоу“, па денеска имам состанок со екипата - Сузе, Жанко и режисерот за да ги усогласиме новите идеи. Попладне снимам реклама за едно радио во Австралија, а треба да ја довршам и монтажата на еден проект, работен за српска продукција, каде што го играм Тито.

Боби Серафимовски

музичар

Пред една недела се вратив од САД, каде што бев на подолг престој и остварив успешни контакти за мојата работа со музиката. Денес продолжувам во стилот на празничното неработење, т.е. времето го користам најмногу за семејството. Од понеделник започнувам со работа и реализација на некои договори од САД.

Рубенс Муратовски

актер

Денеска и јас ќе почувствувам барем малку од задоволството на неколкудневното празнично неработење. Всушност, токму денес немам никаква обврска ниту во радио Равел ниту во Наша ТВ, а театарската сезона не е активно започната. Па затоа, денеска планирам малку да безделничам и да одморам, колку што е можно.