Бранко Цветковски

член на УО на „Струшки вечери на поезијата“

Ова е ден исполнет со многу сериозни обврски кои воедно ми причинуваат и големо задоволство. Вечерва е отворањето на „Струшките вечери на поезијата“, кое со нетрпение и голема радост го очекуваме сите. Се' е во тој знак, а претходно имаме прес-конференција со овогодинешниот добитник на „Златниот венец“.

Џабир Дерала

претседател на „Цивил“

Денот ќе ми помине во знакот на прес-конференцијата што ќе се одржи денеска во 11 часот, а се однесува на рок-концертот кој треба да се случи в петок и на кој ќе учествуваат рок-ѕвезди од Косово и од Холандија. Вечерта се релаксирам во некое од скопските кафулиња.

Јулија

пејачка 

Бидејќи до раните утрински часови сум на свирка, спијам подоцна, а потоа со ќерка ми го пијам и првото кафе. Следува играње „Монопол“ со внука ми, по што се надевам дека ќе најдам време да отидам на шопинг и да започнам со подготовките за настапот на „Тетово фест“. Вечерта е резервирана повторно за свирка.