Потпорен ѕид на „Теферич“

Општина Кисела Вода гради потпорен ѕид на рекреативниот центар „Теферич“, со должина од 42,85 метри и средна висина од 3,70 метри. Тој ќе го реши проблемот со одронувањето на земјиштето на локалниот пат „Р – 302 Теферич“ кон ова излетничко место за граѓаните. Ѕидот е со армирано бетонска конструкција, а градежните работи ги изведува фирмата „Транс - мет“. Општината за оваа намена од својата каса издвои околу 1.100.000 денари. (Сн.К.)