Што прават денеска
 Андон Дончевски
фудбалски тренер
Од вчера, повторно сум во мојата Македонија. Допатував од Австралија да се видам со роднините, пријателите, моите поранешни фудбалери и репрезентативци. Речиси секој ден од планираниот едномесечен престој во Македонија ми е програмиран за посети, но се плашам дека нема да успеам да се поздравам со сите мои пријатели.
 Билјана Кочева-Бици
радиоводителка
Интензивно работиме на подготовките на неделниот забавен спектакл на фудбалскиот турнир за медиуми, веќе традиционалниот фудбалски меч меѓу новинарките и пејачките. Веќе неколку години тоа е посебно шоу на турнирот во организација на Спортското радио 90,3 ФМ. Покрај тоа, ги имам и секојдневните обврски во моето кафуле „Парамециум“, а потоа е за романтична вечера со Никола.
 Стојче Трајчевски
ген. сек. на ФК Работнички
Иако заврши есенската сезона, за мене нема одмор. Во тек се подготовките за лиценцирање на клубот, за сезоната 2009/2010 година, за излез на европската сцена. Се наближува и зимскиот преоден рок на фудбалери, а Работнички има желба да ја засили екипата со тројца нови фудбалери.
|
