Што прават денеска

Гордана Деан Поп-Христова

кореографка

Започна одбројувањето пред премиерата на претставата „Лајк“ во МНТ, која е закажана за в недела со почеток во 20 часот. Се работи за заеднички проект на „Ребис“ и МНТ, танцов театар инспириран од феноменот на „Фејсбук“. Во претставата играат и актери и танчари, а покрај музиката и танцот, застапена е и актерската игра, како и видеоартот.

Ивица Велоски

пејач

По кусиот одмор по настапот на концертот на легендарните „Бијело дугме“ и „Црвена јабука“ продолжувам со реализирање на новите обврски. Неодамна станав дел од продукцијата „Мак мјузик“, па од денеска почнуваме со снимање на мојот прв видео спот за песната "Ти би знаела". Се е во знак на снимањето во Битола каде што работиме со Дарио Јанковиќ.

Викторија Лоба

пејачка

Денеска сакам убаво да се наспијам и одморам по вчерашниот настап. Саботното кафе со пријателите е нешто со што се релаксирам, а потоа продолжувам на ручек со колегите од „Горила продукција“. Во недела утро станувам порано затоа што ќе ја отворам осмата по ред „Драгстер трка“ која ќе се одржи на паркингот пред Спортскиот Центар „Борис Трајковски“ со почеток во 10 часот. Вечерта ќе ја посветам на семејството.