Јордан Симонов

- актер

Денеска семејно се пакуваме за одмор, но прво треба да ја завршам работата т.е. да ја одиграм претставата "Троил и Кресида" во Битола. Значи, прво семејно патуваме за Битола, а по претставата веднаш заминуваме на одмор во "непознат правец".



Огненка Герасимовска

- пијанистка

Денеска патувам за Кавадарци каде што вечерва во 20.30 часот во Домот на културата ќе одржам целовечерен концерт. По концертот патувам за Гостивар, бидејќи утревечер, во рамките на празнувањето на Илинден, настапувам со своја програма. И двата настана се дел од манифестацијата "Топол културен бран", под покровителство на Министерството за култура на Р Македонија. Следната седмица одам на заслужен и неопходен одмор.



Катерина Павлова - Николовска

- новинарка во Канал 5

Денеска ги уредувам спортските вести за Дневникот на Канал 5, што значи дека цел ден сум на работа. Всушност, почнувам со прес-конференција на која Лино Червар ќе биде претставен за тренер на РК "Металург", па продолжувам со работа, до последните Вести на Канал 5.