Бени Шаќири

пејач

Бидејќи синоќа, всушност до раните утрински часови, имам свирка во клубот „Џубокс“, денот веројатно ќе го поминам во одмор и регенерирање на гласот, за вечерашниот настап во клубот „Миднајт“, каде што во зимскава сезона ќе настапувам секоја среда. Вечерва ми е првиот настап во „Миднајт“ и ќе се потрудам да направиме вистинско расположение.

Атина Апостолова

пејачка

Завчера си заминаа драгите пријатели, кои две седмици ми беа на гости, па деновиве се привикнувам на старото секојдневје. Малку го средувам станот и некои други домашни обврски. Инаку, во тек сум на преговори за евентуален настап за Нова година во Војводина.

Борис Тноковски

презентер на Вести

Од неодамна, всушност од пред еден месец сум во екипата на „Канал 5 +“, каде што повторно се враќам на презентацијата на Вестите. Навистина се' уште сме во фаза на екипирање, но секојдневно работиме и се подготвуваме за програмата, што наскоро очекуваме целосно да започне да се емитува во ТВ - етерот.