Што прават денеска

Тања Кочовска

актерка

Денеска со Театарот за деца и младинци гостуваме на Детската недела во Штип со претставата „Попот и неговиот слуга Будал“. Не знам дали во Штип летно време се подготвуваат пастрмајлии, но планираме да минеме еден убав гастрономски ден во градот под Исарот. Се разбира, по претставата.

Ева Нединковска

пејачка

Иако сериозно сум зафатена со работата на мојот нов албум, деновиве музиката ми е на стендбај. Имам кус рок за превод на едно сценарио за студентски филм, па денеска речиси цел ден интензивно работам на тоа. Се' треба да биде готово до утре, па потоа продолжувам со албумот.

Боби Спасенцовски

професор

По утринското кафе со сопругата, следуваат обврските во училиштето каде што работам како професор по хармоника. Потоа вежбаме со синот Роберт, кој се подготвува за натпревар во Соко Бања. На крајот, во домашен амбиент ќе ги следам натпреварите на СП во фудбал.