Ограбил аптека облечен во бел мантил
Облечен во бел мантил и медицинска маска на лицето, непознат арамија ја ограбил аптека на булеварот „Јане Сандански“ во Скопје, одземајќи околу 5.000 денари. Во неделата околу 15,30 часот разбојникот влегол во аптеката, и' се заканил со нож на 27-годишната вработена и ги одзел парите од касата, по што побегнал.
Само три часа подоцна, ограбена била уште една аптека во Скопје. Непознат сторител влегол во аптека на „Водњанска“ и побарал да купи „аналгин“. Во моментот кога 45-годишната вработена ја отворила касата за да му врати кусур, разбојникот извадил нож и заканувајќи се дека ќе ја убие, ги извадил парите од прометот и побегнал со 9.000 денари.
Истрагата утврдува дали разбојништвата ги извршил ист сторител. (Г.А.) |
