Што прават денеска

Даниела Мартиновиќ

пејачка

Голем дел од последниот ден во годинава го минувам во патување. Пристигнуваме во Скопје во попладневните часови. Веднаш се упатуваме на тонска проба, па на ручек со пријателите од „Македонски телеком“... Вечер, подготвена сум за концерт за паметење на Градскиот плоштад во Скопје. Се гледаме таму за Среќна Нова 2011!

Дејан Лилиќ

директор на МНТ

Денот со кој завршува годината е совршен за рекапитулација на пријатните спомени, но и на она што е конкретно сторено во изминатата година. Денеска немаме претстави во МНТ, но треба да средам некоја документација. Новата 2011 ќе ја пречекам на 2.000 метри надморска височина. На сите им посакувам во идната година да ги дофатат своите височини.

Петар Грашо

пејач

Ден посветен на дружење со пријателите од Македонија. По краткиот одмор од патувањето од Сплит, започнуваме да се подготвуваме за новогодишниот концерт во 22 часот, за граѓаните на Скопје. Ќе следува незаборавно новогодишно музичко доживување.