Што прават денеска

Ѓорѓи Тодоровски-Трупче
актер

Овој меѓупериод до почетокот на театарската сезона го користам за размислување и подготовка на нови ТВ-проекти. Инаку, чекам да започнеме со проби во Драмски театар и изведба на матичната сцена на „Сон на летната ноќ“, чија премиера ја игравме на „Охридско лето“.

Стевче Стојковски
музичар

Претпладне треба да ги завршам работните обврски во МТВ. Остатокот од денот и' го посветувам на сопругата. Наскоро очекуваме поднова, па не се движиме некаде далеку од Скопје, зашто терминот е многу близу.

Жарко Костески
градежен инженер во „Геинг“

Денеска работам на специјална задача во областа на градежништвото, поточно за проектирање косина и нејзина изведба во гевгелискиот дел, а потоа по напорниот ден планирам да се релаксирам со шетање во паркот и финале на денот - дружење во некое кафуле.