Живот на чинија - Летово ќе се разладувам со лубеница и сладолед
Поп-пејачката Бојана Атанасовска во лето го менува режимот на исхрана и преферира лесна храна
Дефинитивно многу се разликува моето летно мени од зимското. Се разбира, летно време консумирам многу помалку храна. Обично денот го започнувам со мусли и овошје, ручекот ми е секогаш лесен- месо и салата, или паста, или пак понекогаш само салата, а вечерата не ми е редовен оброк.
Кога станува збор за сезонските овошја, во мај и јуни ми се омилени црешите, а во овој период најомилена ми е ЛУБЕНИЦАТА
Пијам многу течности, затоа што на високиве температури тоа ми е најпотребно. Најчесто се разладувам со минерална вода, ЛЕДЕН ЧАЈ, а обожавам да пијам мохито.
Ги преферирам КОКТЕЛИТЕ, како што спомнав, најчесто пијам мохито, или џин тоник, додека жестоки пијалаци во летниот период не консумирам.
Како мала, во периодот додека растев обожавав да јадам ПОМФРИТ и сите три оброка можеа да ми бидат помфрит.
Немам многу убаво мислење за ФАСТ ФУДОТ, премногу е калоричен, штети како за здравјето, така и за изгледот, но сепак во моменти како што се, н пример, снимања спотови, кога навистина немам време да јадам, знам и да направам таква отстапка,
Сакам да експериментирам со вкусовите и да пробувам различни специјалитети, ги обожавам ИТАЛИЈАНСКАТА и кинеската кујна
Што се однесува до СУКАЊЕТО и месените работи, морам да бидам искрена и да кажам дека не знам, но би сакала да научам. Инаку, кога имам време секогаш помагам во кујната.
Кога морам, значи кога имам снимања и сликања и сум под режим, се воздржувам и можам да одолеам, иако во принцип сакам да јадам БЛАГО и често го има во моето мени
Ово��на салата или куп од сладолед? И двете ги обожавам, ама веќе кога морам да бирам- КУП СЛАДОЛЕД (К.Ш.)
|
