Отворањето на егејското прашање е добар потег
Нада Романова-Башевска, Скопје
Сакам накратко да се осврнам на претпоследното новинарско прашање до господинот Васил Тупурковски за неговата некогашна средба со австрискиот министер за надворешни работи Алојз Мок. Точно е дека Васил Тупурковски, како што вели, повеќе пати ги разјаснил елементите за својата карактеристична комуникација со Алојз Мок. Но, во интервјуто од 11 август тој не кажа ништо конкретно за суштината на разговорот, да потсетам, поврзан со името на Република Македонија, со што и' ја скрати можноста на јавноста да ја дознае вистината. Како најсилен „аргумент“ посочи, цитирам, „Киро Глигоров фабрикуваше ни прва ни последна дисквалификација“ на негова адреса. Се добива впечаток дека Васил Тупурковски е опседнат со г. Киро Глигоров. Не избира навредливи зборови за неговата личност и е без трошка самокритичност за сопствените дела од времето на своето политичко дејствување, кои доволно се опсервирани во медиумите. |
