Претстои договор за екстрадиција
СкопJе - Работни групи на министерствата за правда на Македонија и на Србија вчера и денес во Скопје ги усогласуваат деталите за потпишување билатерален договор за екстрадиција на сопствени државјани, што ќе овозможи поефикасна борба против организираниот криминал, корупцијата и перењето пари. Можноста за потпишување ваков договор за Македонија се отвори со измени на Уставот и уставниот амандман 32, донесени во март годинава.
„Практично, ова значи дека од денеска почнува имплементација на овој амандман на Уставот на Република Македонија“, изјави министерот за правда, Михајло Маневски. Тој најави дека неделава ќе биде потпишан договор за екстрадиција со Република Хрватска. (МИА)
|
