Емилија Гаврилова

сопст. на Радио Канал 77

Деновиве сум особено сконцентрирана на подготовката на новогодишната програмска шема на Канал 77. Сепак, попладнево одам за Скопје, каде што имам договорено неколку состаноци за маркетиншки договори. Вечерта, сепак, сум дома во Штип, со семејството.

Сашо Тасевски

актер

Веќе сме длабоко навлезени во пробите за претставата што ние во Драмски театар си ја нарекуваме „Кандид 2“, па претпладнето ми е зафатено со проба. Потоа имам состанок околу некои проекти во иднина, па брзам дома, да ја избањам ќерка ми и вечерта да ја минам со програмите на странските телевизии.

Татјана Гоговска

уредник во МТВ

По подолга подготовка и соработка, денеска во Универзална сала во Скопје во 11 и 19 ч. ќе се одржи гостувањето на детскиот фестивал „Мале скале“ од Херцег Нови, каде што ќе настапат и наши детски пејачки ѕвезди. Максимално сум ангажирана околу овие концерти, но паралелно работам и на подготовката на новогодишната програма на МТВ.