Драган Даутовски

музичар

Денеска ме очекува пат за Словенија, како музичка логистика на отворањето на изложбата на неолитски артефакти од Македонија, во Љубљана, во организација на Музејот на Македонија и Управата за културно наследство. Отворањето на изложбата, како и мојот настап ќе се случуваат утре во Народниот музеј во Љубљана.

Димче Мешковски

актер

Редовно, речиси како и секој ден, одам во моето сврталиште – Драмски театар. Во преговори сме за обновување на „Женски оркестар“. Попладне, задолжително возам велосипед, или џогирам покрај Вардар. Многу читам, се подготвувам за утрешната претстава „Ладало“ и за скорото патување во САД, кај помалата ќерка.

Томислав Јотовски

тенисер

Претпладнево ги завршувам обврските со редовниот тренинг. Попладнето ги проверувам сите детали пред патување, и вечер се упатувам кон скопскиот аеродром, т.е. кон Париз, Франција, каде што ќе играм на јуниорскиот Ролан Гарос.