Што прават денеска

Дани

пејачка

Ме очекува ден исполнет со обврски речиси до последната минута. Се подготвувам за утрешното патување во Истанбул, каде што ќе учествувам на редовната конференција за борба против сидата. Покрај тоа, го подготвувам и снимањето на мојот нов спот што треба да се реализира по враќањето од Истанбул, в понеделник.

Диме Илиев

актер

Денеска од 11,30 ч. сум на прес-конференција во МКЦ, каде што ја презентираме пред новинарите новата серија „Од денес за утре“, што започнува да се емитува на Сител од 4 октомври. Попладне од 15 ч. веќе сум на натсинхронизација на серијата „Кога лисјата паѓаат“.

Милка Ефтимова

оперска певица

Го користам периодот без наставни обврски до идната недела кога започнувам со часовите во КЕЦ „Сцена“. Па оваа недела гледам да завршам некои работи дома. Попладне пак имам пријатна „обврска“, т.е. дружење со мојата пријателка Зуица Пуровска, по повод роденденот на нејзината ќерка Јана.