Нови поплави во Радовиш и во Конче
Подрачјето на Радовиш и на Конче беше зафатено од поројни дождови кои повторно предизвикаа поплави, соопшти Центарот за управување со кризи. Поплавени се приватни објекти во двете општини, како и објекти во индустрискиот дел на Радовиш. Во испумпување на водата од поплавените објекти е ангажирана Територијалната противпожарна единица. Наставата во училиштето во с. Конче е прекината. Поради излевање на Коњечка Река, во прекин е патниот правец Конче - Радовиш. Мостот што го поврзува селото Конче, пак, е прелеан од Ињевска Река. (МИА) |
