Македонија ќе го тужи „Лојд“

ОХРИД - Република Македонија ќе го тужи германски „Лојд“ затоа што компанијата се повлекла од договорот за технички преглед на бродовите од внатрешна пловидба само 15 дена пред завршувањето на рокот за нова регистрација на пловилата. Според информациите, во официјалното образложение испратено од „Лојд“ до Министерството за транспорт и врски било наведено дека причина за раскинувањето на договорот се, наводно, економската криза и намалувањето на бројот на вработени во компанијата.

Капетанот на Капетанијата во Охрид, Љупчо Настоски, изјави дека прегледувањето на бродови може да се пролонгира во согласност со европските директиви и претходниот технички преглед, најмногу за три месеци. Доколку бродовите што пловат по езерата и по реките во Македонија не  извршат

проверка на техничката исправност на пловилата ќе им биде издадена забрана за пловидба, односно против нив ќе бидат поднесени прекршочни пријави. (МИА)