Син се обиде да го убие татка си поради дрога

ГОСТИВАР - Наркозависник се обидел да го убие татка си, избодувајќи го со нож по расправија за дрога во гостиварското село Форино. Полицијата трага по напаѓачот, кој е во бегство.

Во саботата навечер околу 22,45 часот во дворот на семејната куќа на гостиварецот А.И. (52) се случувала вистинска драма. Неговиот син В.И., зависник од дрога, кој често земал предмети од дома и ги препродавал за да купи наркотични средства, при расправија со татка си зел нож и го избодел. Единствениот убод во стомакот на педесет и двегодишниот А.И. бил фатален. Напаѓачот по немилиот настан, веднаш побегнал.

Повредениот А.И. е пренесен во гостиварската болница и по санирањето на повредата, е задржан на лекување. Неговата здравствена состојба е стабилна. Според изјавата на дежурниот лекар, кај повредениот била констатирана убодна рана од нож во пределот на стомакот.

Пред да се случи обидот за убиство, како што информираат од МВР, претходела расправија меѓу таткото и синот. В.И. за да обезбеди пари за набавка дрога, од домот земал разни предмети и делови од возила и ги продавал. Полицијата презема активности за негово пронаоѓање. (К.К.)