Претходен број

Принцот на Хунзите во Битола и во Прилеп

Oд посетата на Хераклеја Линкестис

Како што Александар Велики не сакаше да се врати од истокот на земјата, јас сега не би сакал да се вратам назад

БИТОЛА - ПРИЛЕП – „Како што Александар Велики не сакаше да се врати од истокот на земјата, така и јас сега не би сакал да се вратам назад“. Токму со овие зборови принцот на Хунзите, Газанфар Али Кан, го опиша воодушевувањето од посетата на Хераклеја Линкестис, градот кој во 352 година пред нашата ера го основал кралот Филип Втори, таткото на Александар Македонски.

„Сега чувствуваме дека ние сме дел од вас и дека сме Македонци. Мислам дека Александар Велики и неговите генерали и војници беа во право кога одбија да се вратат во своите земји и останаа на исток. Исто и ние сега сакаме да останеме тука и да не се враќаме назад. Тоа е голема возбуда и поврзаност која ја чувствуваме сега меѓу нас. Тоа е природно чувство да се биде Македонец и свој на своето“, рече принцот Газанфар Али Кан.

За домаќинот, битолскиот градоначалник Владимир Талески, посетата на високите гости од Пакистан значи обединување на сите Македонци во светот.

„Ова е поттик за духовна релација и духовен контакт. Од овие мигови натаму ќе бидеме секогаш заедно каде и да се тие, каде и да сме ние“, изјави Талески.

Со погача и вино, со свежи цвеќина на црвен тепих беа дочекана делегацијата на принцот на Хунзите од Пакистан, кои себеси се сметаат за потомци на Александар Македонски.

Принцот Газанфар али Кан и принцезата Рани Атика, средечно беа пречекани од градоначалникот на Прилеп, Марјан Ристески и владиката Пета��.

Откако се поздравија со прилепчани кои речиси два часа трпеливо ја чекаа делегацијата на Хунзите, се поклонија пред споменикот на Александат Македонски во центарот на Прилеп.

-Споменикот на Алекдандар Македонски е преубав. И овде ја почувствував истата топлина како во мојата земја“ изјави принцот Газанфар али Кан. (А.Б.-Мн.Т.)