Кире Костов

композитор

Со оглед на фактот дека е викенд и дека надвор е вистинска снежна зима, викендов немам намера да излегувам од дома, од топлото. Работам аранжман на песна за претстојниот домашен избор на песна за Евровизија, па мотивот за неизлегување од дома ми е сосема поткрепен.

Катерина Шехтанска-Лаковски

актерка

Навистина деновиве веќе не зависат од моите планови. Всушност, според плановите и мислењето на лекарите, веќе требаше да го родам моето второ дете. Одам во болница, па можеби, конечно, токму денеска на свет ќе ја донесам ќерка ми.

Николче Мицевски

музичар

Никако не попушта празничното расположение и релаксираното дружење дома, во Битола, каде што сум од Нова година. Претпладне е неизбежна кафе-шемата во битолската чаршија, па ручек, малку на гости... Се' на се', уживање во деновите кои се' уште се во весел амбиент. Работата чека, по 15 јануари.