Ламбе Алабаковски

пејач

Со промоцијата на новиот албум „Да не те љубев“ на крајот од годинава некако ми се згуснаа обврските, но се трудам сите да ги завршам навреме. Денеска од 17 часот ја имам најсаканата обврска - дружење со публиката и потпишување на цедеа во продавницата „Југотон“ во ГТЦ.

Марјан Ивановски

виолончелист

Со убавите празници и убава музика. Денеска јас и моите колеги од гудачкиот квартет „Линкестис“ Владимир, Милена и Љубица ќе го реализираме долгопосакуваниот новогодишен концерт на академската сцена на ФДУ во 20 часот. Музиката ми е најголемиот приоритет во денот и голем стимул за се' друго. Со делата на Моцарт, Дворжак, Штраус... заокружуваме една доста продуктивна година за сите нас.

Атанас Ботев

куратор

Денот ми минува во активности околу последните подготовки за вечерашното отворање на изложбата на графики во „Отвореното графичко студио“, каде што ќе се претстават повеќе современи македонски графичари. Отворањето на изложбата „Графикон“ е од 20 часот и дотогаш се' ќе биде подготвено.