Конкурс за најубаво украсен двор

Традиционално и годинава Општина Гази Баба ќе избере најубаво новогодишно украсени двор, балкон, простор пред станбена зграда, пред деловен објект и најубаво украсени училиште и градинка. Сите што се заинтересирани да конкурираат за избор во некоја од категориите треба да се пријават на бесплатниот телефонски број 0800 42222 или 02/3226 655. Тоа можат да го направат и лично во бараката на едношалтерскиот систем во Општината. Краен рок за пријавување е 24 декември. Сите пријавени кандидати комисијата ќе ги посети на 27 и 28 декември. За најкреативните Општина Гази Баба обезбеди награди, а ќе им ги доделува на 30 декември. (Сн.К.)