Што прават денеска

Петар Горко

актер

По трескавичната подготовка на улога за три дена во претставата „Антица“ на театарот во прилеп, сега веќе сум во „филмот“ на „Браќа Манаки“. Се подготвувам за водењето на отворањето на 16 октомври, кое ќе биде величествено. А од понеделник во Битолскиот народен театар започнуваме со подготовки на претставата „Опасни врски“, во режија на Дејан Пројковски.

Сузана Јовчева

пејачка

Конечно се прибрав дома по неколкуте настапи надвор од Македонија и исклучително сум посветена на наставата за моите ученици. Но, и покрај обврските и работата во училиштето, во фаза на разработка сум на идеја за еден нов музички проект. Токму затоа имам денес и средба со авторскиот тим.

Дарко Димитров

композитор и продуцент

Викендов завршив со работата на спотот на Даниел Ѓокиќ од Србија, кој наскоро ќе биде промовиран на европскиот музички канал „Вива“. Сега сум максимално посветен на подготовката на неколку песни за најдобриот фестивал во Албанија, „Магична песна“ и интензивно работам на тоа.