Што прават денеска

Кокан Димушевски

музичар

Во периодов работам на неколку проекти паралелно, што ме прави задоволен и креативно ангажиран. Подготвувам три окрестрации за композиции за виетнамска пејачка ѕвезда Нгуан Тонг, што треба да се снимаат во декември во Ханој. Секако, тука се подготовките за новиот албум на „Леб и сол“, како и ангажманот за в петок, за претставата „3327“ што ќе се игра на МОТ.

Јулијана Симоновски

презентерка во Алсат

Веќе сум влезена во редовниот работен ритам, а одморските денови веќе се вкнижени во летните спомени. Денот почнува вообичаено со обврските за училиште на ќерка ми. Попладне веќе сум на работа во Алсат и обврските ме задржуваат таму до последните вечерни Вести.

Новица Василевски

пејач и ТВ-водител

Минатата недела снимив материјал за спот за мојата најнова песна „Пожар“, па барам погоден термин меѓу останатите мои обврски за финална обработка. Денеска речиси целиот ден сум ангажиран околу доопремување на студиото за емисијата „Полна куќа“.