Весна Илкова-Гиновска

сопран

Претпладнето имам подготвителни часови со постдипломските на ФМУ за нивните приемни испити, кои се во тек. Потоа ме очекува состанок за оформување една нова културна институција, чиј иницијатор сум јас. Попладнето ми е исполнето со обврските на синовите околу нивната дополнителна настава.

Петар Нечовски

пејач

Завчера се вратив од мини-турнеја низ Италија, Словенија и Хрватска, а вечер ќе настапам на 15. јубилејно издание на Фолк-фест „Филиграни“ во Домот на АРМ, Скопје. Малку одмор во Македонија, па на 7 октомври заминувам на турнеја во Австралија.

Ненад Ѓеоргиевски

радио и ТВ-водител

Станувам околу 12 часот, па се упатувам кон Радио Фортуна, каде што од 15 ч. ја водам емисијата „Во движење“. Оттаму продолжувам во А1 ТВ за вечерашното издание на „Ексклузив“ од 20 ч. По емисијата, некаде околу 21 ч. тргнувам за Битола, каде што вечерва го водам редовното караоке-шоу во „Милениум“.