Роденденска ликовна изложба

„Мојата општина“ е насловена ликовната изложба што беше отворена вчера во спортската сала „Антон Димитров“ во општината Бутел по повод пет години од нејзиното формирање. Изложени се најдобрите дела од стоте пристигнати на ликовниот конкурс што го распиша Општината, а на кој учествуваа ученици од седумте основни училишта на нејзина територија. Изложбата ќе биде отворена до 1 јули годинава, денот на формирањето ��а Бутел. Авторите на најдобрите ликовни остварувања беа наградени со прибор за сликање, а им беа доделени и дипломи за освоено прво, второ и трето место. Општината додели и една награда за посебен ликовен израз. (Сн.К.)