Нино Леви 

актер

Во Охрид сум каде што утре со МНТ ја играме премиерата на претставата "Дундо Марое" на "Охридско лето". Денот тече релаксирано - кафе, плажа, па попладне очекувам моето семејство да пристигне во Охрид и да ги сместам. Вечер ја имаме генералната проба на отворено, па се надевам дека нема да заврне.



Елена Ристевска 

пејачка

Во вторник заминувам на одмор, на Палма де Мајорка, а бидејќи в понеделник имам работни обврски, денеска ќе се потрудам да го завршам шопингот и сите козметички подготовки за на плажа. Вечер, ќе се потрудам да го снимам во студио мојот дел од песната - дует со "Паркети".



Томислав Јотовски 

тенисер

Интензивно се подготвувам за утрешното патување во Австрија, каде што од понеделник ќе учествувам на Европското јуниорско првенство до 18 години во Бад Хофгаштајн. Изминативе денови тренирав со Предраг Русевски и мислам дека сум во добра форма. Ова ЕП е генералка за јуниорскиот УС Опен во Њујорк, на крајот од летово.