Што прават денеска

Ели Аиноска-Аин
сликарка

По завршувањето на обврските околу моето учество на изложбата на интернационалниот ликовен караван на Тихо Кондев во Струга, денеска сум во Белград, каде што во „Блок галери“ вчеравечер беше отворена мојата самостојна изложба. Се' уште ги средувам впечатоците од Македонија, но истовремено се радувам и на претставувањето пред белградската публика.

Здравкица Билбиловска
водителка

По пет викенди поминати во Охрид, конечно сум во Скопје и се надевам дека добро ќе се одморам. Мислам дека домашната атмосфера целосно ќе ме релаксира, затоа и ќе се потрудам најголемиот дел од времето да го поминам со семејството. Неделата ми е резервирана за дружење со пријателите.

Ванчо Каранфилов
стрелач

Ова е голем ден за мене, денеска заминувам за Пекинг, каде што ќе учествувам на Параолимпијадата. Значи, по утринското кафе со семејството тргнувам на аеродром, каде што ме чека лет за Истанбул, а оттаму пак полетувам во Кина, каде што се надевам дека ме очекуваат многу возбудувања и, секако, успех.