Што прават денеска

Билјана Драгичевиќ - Пројкоска

актерка

Четврток, убав ден за промоција на книга. Вечерва сум дел од екипата на промоцијата на новиот роман на Владо Плавевски, што ќе се случи во Салонот 19.19, логично, во истото време. Претходно ќе минам релаксиран ден со ќерка ми, а по промоцијата одам на релаксирање со „зумба“.

Бени Шакири

музичар

Денешниов ден ми е работен и патувачки. Патувам за Грција за потребите за снимањето на една ТВ-емисија. Се' е тоа со цел за поголема популарност, да ме има на телевизија, а како главна придобивка кога ќе излезам од дома, сите комшии да ми викаат „здраво“. Уф, каде ми отиде муабетов. Се' на се' - одам на службен пат.

Христина Деспотовска

модна креаторка

Вообичаен работен ден, во кој продолжувам со подготовката на новата летна колекција на „Кара“. Откако ќе ми заврши работниот ден имам договорено средба-ручек со една многу драга пријателка, а денот ми завршува со фитнес, за воспоставување калориска рамнотежа по ручекот.