Спас од глутниците
Стојан Стојановски, Скопје
Секојдневно, по кој знае колку пати ќе ни се покачи адреналинот во телото, чувствувајќи морници по телото и во косата, кога ќе се сретнеме со глутница кучиња кои ги има во населбата Јане Сандански во Аеродром. Понепријатно во животот никогаш не сме се чувствувале и затоа ви се обраќаме да ги провоцираме надлежните да го решат овој проблем согласно со законот. Имаме безброј примери кога скитниците во чопор напаѓаат деца и мајки со деца и дали може некој да ја замисли таквата грозна состојба. Ни треба помош, бидејќи навистина ова состојба стана неподнослива.
|
