Средба на Маљас со Кисинџер и Олбрајт
Вашингтон - Грчкиот амбасадор во САД, Александрос Маљас, во изминатите неколку дена се сретнал со поранешните американски државни секретари Хенри Кисинџер и Медлин Олбрајт, пренесува грчката агенција АНА-МПА. За време на средбите биле разгледани скорешното грчко претседателствување со Организацијата за европска безбедност и соработка (ОБСЕ) и актуелната ситуација на Балканот. Освен тоа, Маљас ја запознал екссекретарката Олбрајт и со последниот развој на настаните во се' уште нерешениот спор со Македонија „за прашањето на името“, како и за турско-грчките односи, пренесува агенцијата.
Кисинџер го примил амбасадорот Маљас во својата канцеларија во Њујорк, со кого исто така го спомнале прашањето на името на Македонија. (МИА)
|
