Катерина Коцевска

- актерка

Одморот во Охрид го прекинав за да го дадам мојот придонес за "Летниот културен бран", па денеска сум во Скопје, а вечер во Крива Паланка со колегата Ѓокица Лукаревски ќе ја играме претставата "Како да ја убиеш сопругата". Утре и задутре претставата ја играме во Валандово и во Тетово, па потоа, повторно се враќам во Охрид да го следам "Охридско лето".



Кире Лазаров

- ракометар

Заврши одморот и денеска веќе сум во Загреб, каде што дојдов вчера, и започнувам со подготовките со клубот за претстојното првенство на Хрватска. Првиот ден од подготовките вообичаено е за лекарски прегледи и тестови, но и за дружење со колегите.

Мелита Ракичевиќ

- водителка во А1 ТВ

Последен работен ден пред заминување на одмор, кој логично целосно ми е исполнет со подготовки за патувањето рано наутро. Како секогаш, пред тргнување излегуваат мал милион работи, но од утре веќе сум недостапна на мобилниот телефон.