Владимир Анастасов

продуцент во „Сектор филм“

Тековно работиме на серијата „Збогум, Румелија“, а денеска снимаме на локација во селото Маково, Битолско. Покрај тоа, треба да бараме локации за снимање еден нов филмски проект, за кој ја очекуваме да пристигне режисерката од Ирска.

Бојана Атанасова

пејачка

Во текот на претпладнето треба да завршам некои обврски на факултет, па попладне одам во Тетово, каде што имам снимање новогодишна програма за една телевизија. Вечерва планирам да се одморам дома, зашто утре повторно ме очекува снимање новогодишна програма.

Венцислав Недев

селект. на репр. на Македонија во трад. карате

Оваа седмица е период на пауза во активностите, по турнеите од ЕП во Прага, како и Европскиот куп во Варшава. Ги сумираме резултатите на нашите каратисти, а се подготвуваме и за прогласување најдобри спортисти на Македонската карате-федерација кон крајот на месецов.