Што прават денеска

Даниела Симоновска

ум. директорка на ФВСК

Поголемиот дел од денот ќе го поминам во Националната галерија на „Мала станица“ каде што ќе работиме на финализирањето на отворањето на „Фешн викенд Скопје“, кој почнува со „Белград воркшоп“, а се базира на модна презентација, перформанс и презентацијата на Јована Филиповиќ.

Рубенс Муратовски

актер

Денеска во 17 ч. сум зафатен со мојата редовна емисија на Наша ТВ, а потоа, вечерта во Драмски театар играм во репертоарската претстава „Кинегонда во Карлаленд“. Пред 17 часот главна активност ми се игрите на Интернет, чисто за забава и за одржување на континуитет.

Весна Станоевска

харфистка

Непланирано, денешниот ден ми испадна слободен поради откажување на балетската претстава „Шехерезада“. Сепак, денот ќе го искористам да се подготвам за утрешната промоција на кампањата за борба против насилството врз жената, што ќе се случува утре во хотелот „Стоун бриџ“, во која сум вклучена и преку учеството во спотот.