Што прават денеска

Калиопи

музичарка

Ден со многу позитивен адреналин - како и секогаш пред промоција, концерт. Вечерва од 20 ч., во МОБ со Един Карамазов имаме концертна промоција на нашиот албум „Обливион“, а тоа ми е голема причина ниту една обврска да не ми е тешка. Во текот на денот ме очекуваат проба, пречекување гости од странство, а по концертот - мини прес-конференција.

Горан Милковски

спортски новинар во МТВ

Се трудам да се адаптирам, и приватно и професионално, на есенва што убаво не „стегна“. А, уште повеќе се трудам да се привикнам на фактот дека за првпат, по толку години, немам работа кога е во полн ек Лигата на шампиони во фудбал. Некогаш не е лошо да се гледа фудбал без да се коментира.

Благица Калева

пејачка

Среде недела сме, па денов есенски го користам да се одморам и да го посветам на семејството - со оглед на тоа што преку викенд ме очекуваат настапи. Сепак попладнево имам проба со хорот на Католичката црква во Струмица, каде што членувам со уште неколку колеги.