Поделени 350 шишиња вода

Мобилните тимови на Црвен крст на Град Скопје вчера поделија 350 шишиња вода и 1.000 флаери со совети за граѓаните како да се заштитат од високите температури. На најфреквентните улици, на автобуските станици и пред здравствените организации беа поделени шишиња вода, како и информативно-пропаганден материјал во кој има совети за заштита од топлотниот бран, а на повозрасните лица им беше мерен и крвен притисок.

Минат��та недела беше дистрибуирана поголема количина вода и пропаганден материјал, поточно 853 шишиња вода и околу 3.000 флаери со упатства како граѓаните да се заштитат од големите горештини. (С.Р.)