Во август поскапо за 1,9 отсто

Речиси два процента изнесувала инфлацијата во август во земјава. Поточно, како што пресметале државните статистичари, трошоците за живеење во август во Македонија бележат пораст од 1,9 отсто на годишно ниво, а тоа е клучен показател за мерење на инфлацијата.

Истовремено цените на мало пораснале за 2,5 отсто во споредба со август 2009 година.

Споредено на месечно ниво, трошоците за живеење бележат по��аст од 0,1 отсто во однос на јули, а индексот на цените на мало е повисок за 0,2 отсто. Од прехранбените продукти во август е забележан пораст на цените на мастите, јајцата, преработениот и конзервираниот зеленчук и на месото. Во август, пораст на индексите на трошоците за живеење е забележан и кај централното греење, средствата за образование и кај административните услуги. Намалување на цените на месечно ниво е забележано кај овошјето, зеленчукот, свежото млеко, млечните производи, безалкохолните пијалаци, производите од жито и преработките од месо.

Вредноста на потрошувачката кошничка за едно четиричлено домаќинство, пресметана врз основа на цените на мало, во август 2010 година изнесува 11.891 денари и во однос на претходниот месец е на исто ниво. Токму критериумот по кој се мери потрошувачката кошничка, во последниов период наиде на лавина реакции во јавноста. Многумина сметаат дека содржината на потрошувачката кошничка на статистичарите не соодветствува со реалните потреби на едно четиричлено семејство. ССМ неодамна најави иницијатива за формирање таканаречена синдикална кошничка, која ��и давала реална слика за материјално-економските трошоци на едно семејство. (Ек.Р.)