Бурна расправа за новите членови на СРД

Изборот на Алма Машовиќ и на Борис Арсов за нови членови на Советот за радиодифузија вчера предизвика жолчна собраниска расправа.

Опозицијата забележа дека изборот на двајцата членови е спротивен на Законот за радиодифузија и оти не се почитувани законските прописи. Според нив, со ова се прави груб упад во ова регулаторно тело, а биографиите на кандидатите се најдобра потврда дека станува збор за партиски војници.

„Ниту има јавен повик, ниту има објава на кандидатите во два дневни весника, ниту, пак, тој е објавен шест месеци пред истекот на постојните кандидати, ниту два месеца пред тоа се дадени нови кандидати“, рече Горан Минчев од СДСМ.

На ова реплицираше Илија Димовски од ВМРО-ДПМНЕ, според кого, нема прекршување на Законот. (П.Р.)